ကျွန်တော်စိတ်ဓါတ်တွေကျလာတယ်။ ကျွန်တော့်လိုပဲ မြန်မာပြည်သူပြည်သားအားလုံးစိတ်ဓါတ်တွေ ကျနေလိမ့်မှာဆိုတာအသေအချာပဲ။ မြန်မာနိုင်ငံမှာ စစ်အာဏာရှင်စနစ်အမြန်ဆုံးအဆုံးသတ်ချင်နေကြ ပါပြီ။ အခုရက်ပိုင်း စစ်တပ်က လေယာဉ်နဲ့ဗုံးကြဲသွားတဲ့သတင်း၊ ရွာတွေကို မီးရှို့သွားတဲ့သတင်း၊ အပြစ် မဲ့ပြည်သူတွေကို နှိပ်စက်သတ်ဖြတ်သွားတဲ့သတင်းတွေ နားနဲ့မဆံ့နေအောင်ကြားနေရတယ်။ ဘယ်လို လုပ်ရမလဲမသိတော့ဘူး။ တရားမျှတမှုဆိုတာ မြန်မာနိုင်ငံမှာမရှိတော့ပါဘူး။
ဇူလိုင် ၂၁၊ ၂၀၂၄။ (တနင်္ဂနွေ)
တရုတ်ရဲ့ဖိအားပေးမှုကြောင့်ကိုးကန့်တပ်တော်MNDAAကဒီလကုန်ထိအပစ်ရပ်ဦးမယ်လို့ကြေညာလိုက်ပါတယ်။ပြီးခဲ့တဲ့ရက်တွေကလဲတရုတ်မှာညီလာခံရှိလို့ဆိုပြီးလေးရက်ကြာတဖက်သတ်အပစ်ရပ်ပြီးပြီ။အခုလဲထပ်ပြီးအပစ်ရပ်ရဦးမယ်တဲ့။ တရုတ်ဟာ၁၀၂၇စစ်ဆင်ရေးအပိုင်း၂ဆင်နွဲနေတဲ့မြောက်ပိုင်းမဟာမိတ်တပ်တွေကိုနည်းလမ်းမျိုးစုံသုံးပြီး ဖိအားပေးနေပါတယ်။MNDAAအဖွဲ့လားရှိုးကိုစတိုက်တဲ့ဇူလိုင်၃ရက်နေ့ကစပြီးလောက်ကိုင်မြို့ကိုလျပ်စစ်မီးတွေဖြတ်တောက်ခဲ့တယ်။ဒါ့အပြင်MNDAAထိန်းချုပ်ထားတဲ့နယ်စပ်ကုန်သွယ်ရေးဂိတ်တွေကိုလဲတရုတ်ဘက်ကပိတ်ပစ်ခဲ့တယ်။အခုလဲမကြာခဏအပစ်ရပ်ခိုင်းနေပြန်ပြီ။ တရုတ်ဟာတော်လှန်ရေးအဖွဲ့တွေဘက်ရောစစ်ကောင်စီဘက်ကိုပါပြိုင်တူဖိအားပေးပြီးသူလိုချင်တဲ့လမ်းကြောင်းကို ရောက်အောင်ပုံသွင်းနေပါတယ်။စစ်ခေါင်းဆောင်မင်းအောင်လှိုင်ကိုလဲ...