ဥပရောပမှာရုရှားရဲ့ကျူးကျော်မှုကြောင့်ယူကရိန်းနဲ့စစ်ပွဲကြီးတစ်ခုစတင်ဖြစ်ပွားနေပြီ။ပုံမှန်ဆိုရင်တော့ထိုစစ်ပွဲဟာကိုယ်တွေနဲ့ဘာမှမဆိုင်ပေမယ့်ဒီကာလမှာတော့တော်လှန်ရေးကိုအကျိုးသက်ရောက်မှုတွေရှိလာနိုင်တယ်။အနည်းဆုံးတော့မြန်မာပြည်သတင်းတွေကမ္ဘာ့မီဒီယာကြီးတွေမှာမတက်တော့ဘူး။နဂိုထဲကအီနေတဲ့မြန်မာ့အရေးကိုနိုင်ငံတကာကအာရုံစိုက်မှုပိုနည်းသွားမယ်။အဲ့ဒါရဲ့အကျိုးဆက်အဖြစ်စစ်ကောင်စီဟာပြည်တွင်းမှာတိုင်းရင်းသားပြည်သူတွေအပေါ်ပိုပြီးကြမ်းနိုင်ရမ်းနိုင်တယ်။အခုတောင်မှောင်ခိုစျေးကွက်မှာလက်နက်ခဲယမ်းစျေးတွေတက်ကုန်ပြီကြားတယ်။စစ်ဒဏ်ခံရတာချင်းအတူတူယူကရိန်းပြည်သူတွေကိုတကမ္ဘာလုံးကစာနာကြပေမယ့်မြန်မာပြည်သူတွေကိုတော့ကူညီမယ့်သူမရှိဘူး။
ဇူလိုင် ၂၁၊ ၂၀၂၄။ (တနင်္ဂနွေ)
တရုတ်ရဲ့ဖိအားပေးမှုကြောင့်ကိုးကန့်တပ်တော်MNDAAကဒီလကုန်ထိအပစ်ရပ်ဦးမယ်လို့ကြေညာလိုက်ပါတယ်။ပြီးခဲ့တဲ့ရက်တွေကလဲတရုတ်မှာညီလာခံရှိလို့ဆိုပြီးလေးရက်ကြာတဖက်သတ်အပစ်ရပ်ပြီးပြီ။အခုလဲထပ်ပြီးအပစ်ရပ်ရဦးမယ်တဲ့။ တရုတ်ဟာ၁၀၂၇စစ်ဆင်ရေးအပိုင်း၂ဆင်နွဲနေတဲ့မြောက်ပိုင်းမဟာမိတ်တပ်တွေကိုနည်းလမ်းမျိုးစုံသုံးပြီး ဖိအားပေးနေပါတယ်။MNDAAအဖွဲ့လားရှိုးကိုစတိုက်တဲ့ဇူလိုင်၃ရက်နေ့ကစပြီးလောက်ကိုင်မြို့ကိုလျပ်စစ်မီးတွေဖြတ်တောက်ခဲ့တယ်။ဒါ့အပြင်MNDAAထိန်းချုပ်ထားတဲ့နယ်စပ်ကုန်သွယ်ရေးဂိတ်တွေကိုလဲတရုတ်ဘက်ကပိတ်ပစ်ခဲ့တယ်။အခုလဲမကြာခဏအပစ်ရပ်ခိုင်းနေပြန်ပြီ။ တရုတ်ဟာတော်လှန်ရေးအဖွဲ့တွေဘက်ရောစစ်ကောင်စီဘက်ကိုပါပြိုင်တူဖိအားပေးပြီးသူလိုချင်တဲ့လမ်းကြောင်းကို ရောက်အောင်ပုံသွင်းနေပါတယ်။စစ်ခေါင်းဆောင်မင်းအောင်လှိုင်ကိုလဲ...