မိုဘိုင်းအင်တာနက်တွေမှာVPNသုံးရင်အရေးယူလို့ရမယ့်ဆက်သွယ်ရေးဥပဒေတစ်ခုကိုစစ်ကောင်စီကပြဌာန်းဖို့ကြိုးစားနေပြီ။ဒါပေမယ့်ဥပဒေတောင်တရားဝင်မထွက်သေးပဲမြေပြင်မှာတော့ဖုန်းထဲမှာVPN Applicationတွေ့ရင်ဖမ်းဆီးမှုတွေစတင်လုပ်ဆောင်လာတယ်။အရင်ကဖုန်းတွေစစ်ရင်ဖေ့ဘုတ်ကိုအဓိကစစ်ပေမယ့်အခုVPN တွေပါစစ်နေပြီ။ တွေ့ရင်ဖုန်းသိမ်းမယ်၊ငွေတောင်းမယ်။ အဓိကကတော့အောက်ခြေမှာစစ်ကောင်စစ်တပ်သားတွေငွေညှစ်ဖို့ပိုပြီးအဆင်ပြေသွားတယ်။အခုဆိုအပြင်သွားရင်ဖုန်းထဲကfacebook,VPNတွေဖျက်၊အိမ်ရောက်ရောက်ရင်ပြန်ထည့်နဲ့အရေးမပါတဲ့အလုပ်တွေလုပ်နေရတယ်။
ဖုန်းဆိုတာလူတစ်ယောက်ရဲ့pravicyပဲ။အခုတောင်လူ့အခွင့်အရေးကိုပြောင်ပြောင်တင်းတင်းချိုးဖောက်ရုံတင်မကပဲသူခိုးဓားမြတွေလိုငွေတောင်းနေကြတယ်။ပြည်သူတွေရဲ့အင်တာနက်အသုံးပြုနိုင်မှုကိုလဲတရစ်ပီးတရစ်ပိုမိုတင်းကျပ်လာနေပြီ။
အောက်တိုဘာ ၀၆၊ ၂၀၂၄။ (တနင်္ဂနွေ)
ဒီရက်ပိုင်းမှာတော့စစ်ကောင်စီဟာအသက်ရှူချောင်နေပါတယ်။စစ်ရေးပိုင်းမှာတရုတ်ဖိအားကြောင့်မြောက်ပိုင်းထိုးစစ်တွေကြီးကြီးမားမားမလုပ်တော့ပဲရပ်တန့်ထားရတယ်။ဒါ့အပြင်ရေဘေးကြောင့်နိုင်ငံရဲ့နေရာဒေသအနှံအပြားမှာလဲတော်လှန်ရေးထက်ကယ်ဆယ်ရေးကိုဦးစားပေးလုပ်နေရတယ်။ နိုင်ငံရေးပိုင်းမှာတော့စစ်ကောင်စီဟာလောလောဆယ်မှာသန်းခေါင်စာရင်းကိုတွန်းကောက်နေတယ်။ပြီးရင်လာမယ့်နှစ်ဒီအချိန်မှာအတုအယောင်ရွေးကောက်ပွဲတစ်ခုပြန်လုပ်ပေးမယ်လို့လေသံပစ်ထားတယ်။ စီးပွားရေးဘက်မှာလဲတရုတ်ကပေးထားတဲ့ယွမ်ငွေတစ်ဘီလီယံကြောင့်လတ်တလောကြုံတွေ့နေရတဲ့ငွေကြေးအကြပ်အတည်းကစစ်ကောင်စီဟာလွတ်မြောက်သွားတယ်။ဒေါ်လာစျေးတွေသိသိသာသာကျလာတယ်။စက်သုံးဆီပြတ်လတ်မှုတွေမရှိသလောက်ဖြစ်သွားတယ်။ဒါပေမယ့်စစ်ကောင်စီပဲအသက်ရှူချောင်တာပါ။သာမာန်ပြည်သူတွေကတော့အရင်အတိုင်းကုန်စျေးနှုန်းကြီးမြင့်မှုတွေနဲ့စီးပွားရေးအကြပ်အတည်းတွေကိုရင်ဆိုင်နေရဆဲပါပဲ။