မတူပီတဝိုက်မှာ စစ်ကောင်စီတပ်တွေက ဒေသခံ ရွာသားတွေကို လူသားဒိုင်းအဖြစ် အသုံးပြုပြီးနောက် ၊ သတ်ဖြတ်ပစ်နေတာမှာ ၃ရက်အတွင်း ၁၀ယောက် ရှိသွားပြီလို့ CDF မတူပီက ပြောပါတယ်။
လတ်တလော အဲဒီ ဒေသတဝိုက်မှာ ထိပ်တိုက် ရင်ဆိုင် တိုက်ပွဲတွေ မရှိပေမဲ့ ၊ စစ်ကောင်စီ တပ်တွေဟာ ဒေသတွင်း သူတို့ လှုပ်ရှား သွားလာရာမှာ အနားတဝိုက်က ရွာသားတွေကို ရှေ့က သွားခိုင်းနေတာ တွေ့မြင်နေခဲ့ရတယ်လို့ ဆိုပါတယ်။
နောက်ရက်ပိုင်းအတွင်းမှာပဲ စစ်ကောင်စီတပ် လှုပ်ရှားသွားလာခဲ့ရာ နေရာတွေမှာ အသတ်ခံထားရတဲ့ ရွာသားအလောင်းတွေ ကျန်ရစ်ခဲ့တာ ဖြစ်ပြီး၊ အသတ်ခံရသူတွေထဲ ၁၃ နှစ် အထိ ငယ်ရွယ်တဲ့ ကလေးသူငယ် အရွယ်လည်း ပါဝင်တယ်လို့ သိရပါတယ်။
