နိုဝင်ဘာ ၂၉၊ ၂၀၂၁။ (တနင်္လာ)

အမျိုးသားနေ့ကိုအမှီပြုပြီးစစ်ကောင်စီရဲ့ဒေါက်တိုင်စီးပွားရေးလုပ်ငန်းတွေကိုသပိတ်မှောက်ဖို့တနိုင်ငံလုံးမှာဆော်သြနေကြတယ်။ထိုကန်ပိန်းရဲ့အကျိုးဆက်အဖြစ်ရန်ကုန်မှာစစ်တပ်ပိုင်လိုင်းကားတွေမှာစီးနင်းသူတွေသိသိသာသာနည်းသွားတယ်။မြန်မာဘီယာကုမ္မဏီလဲအတော်အထိနာနေတယ်။ရောင်းအားလေးဆယ်ရာခိုင်နှုန်းလောက်ကျဆင်းသွားတယ်လို့သိရတယ်။ဖက်စပ်ပိုင်တဲ့ဂျပန်ကီရင်ကုမ္မဏီတောင်မြန်မာပြည်ကပြန်ထွက်ဖို့လုပ်နေပြီ။
မင်းအောင်လှိုင်ရှယ်ယာပါတဲ့မိုင်တဲဆက်သွယ်ရေးကုမ္မဏီလဲထိုနည်းလည်းကောင်းပဲ။တနိုင်ငံလုံးမှာမိုင်တဲတာဝါတိုင်နှစ်ရာနီးပါးဖျက်ဆီးခံလိုက်တော့ဆုံးရှုံးမှုကနည်းမှာမဟုတ်ဘူး။တခြားအထိနာနေတဲ့စစ်တပ်ပိုင်စီးပွားရေးလုပ်ငန်းတွေလဲရှိသေးတယ်။ဒါပေမယ့်နိုင်ငံဘဏ္ဍာကိုအပိုင်စီးထားတဲ့သူတို့အတွက်သိပ်တော့သိသာမယ်မထင်ဘူး။