ရန်ကုန်မြို့ကနာမည်ကြီးစျေးဝယ်စင်တာတစ်ခုဖြစ်တဲ့မြန်မာပလာဇာမှာလူငယ်ငါးဦးခန့်ဆန္ဒပြပွဲလုပ်ကြတယ်။အဲ့ဒီမှာပလာဇာလုံခြုံရေးဝန်ထမ်းတွေကအတင်းထိုးကြိတ်ဖမ်းဆီးကြတယ်။ထိုသတင်းဟာလူထုကြားချက်ချင်းရောက်သွားပြီးမြန်မာပလာဇာကိုသပိတ်ဝိုင်းမှောက်ကြဖို့ဝိုင်းဝန်းဆော်သြကြတယ်။သိပ်မကြာခင်အချိန်အတွင်းမှာပဲမြန်မာပလာဇာကဆိုင်ခန်းတချို့ပိတ်သိမ်းကြောင်းကြေငြာချက်တွေဆိုရှယ်မီဒီယာတွေပေါ်တက်လာတယ်။ပလာဇာဘက်ကတောင်းပန်ကြောင်းပန်ကြားချက်ထွက်လာပေမယ့်မမှီတော့ဘူး။လူထုရဲ့boycottဟာချက်ချင်းအကျိုးသက်မှုရှိသွားတယ်။နောက်နေ့မှာတော့ပလာဇာတစ်ခုလုံးနီးပါးဆိုင်ခန်းတွေပိတ်ထားတာပြီးစျေးဝယ်သူတွေလဲမရှိသလောက်နည်းပါးသွားတယ်။
ဒီဖြစ်ရပ်ဟာရန်ကုန်မြို့နေလူထုတရပ်လုံးတော်လှန်ဘက်မှာအပြည့်အဝရပ်တည်နေဆဲပဲဆိုတာပြသလိုက်တာပဲ။လူတွေဟာလမ်းပေါ်ထွက်ဆန္ဒပြလို့မရတော့ပေမယ့်ကိုယ်နိုင်တဲ့တာဝန်ကိုတော့တတ်နိုင်သလောက်ထမ်းဆောင်နေကြတယ်။
နိုဝင်ဘာ ၂၂၊ ၂၀၂၄။ (သောကြာ)
တရုတ်လုံခြုံရေးအမည်ခံလက်နက်ကိုင်တပ်တွေ မြန်မာပြည်ထဲဝင်လာမယ့်အရေးက ပေါ့သေးသေးတော့မဟုတ်ပါဘူး။မင်းအောင်လှိုင်ကတော့ တရုတ်တပ်တွေဖြစ်စေ၊ရုရှားတပ်တွေဖြစ်စေ ဘယ်သူပဲဝင်လာလာကြည်ကြည်ဖြူဖြူလက်ခံမှာပဲ။သူ့အတွက်က...
