နိုဝင်ဘာ ၁၅၊ ၂၀၂၁။ (တနင်္လာ)

ဧရာဝတီတိုင်းမှာချောင်းသာကမ်းခြေကနေပုသိမ်ကိုပြန်လာတဲ့စစ်ကောင်စီခန့်ဝန်ကြီးယာဉ်တန်းအလစ်ဝင်ရောက်တိုက်ခိုက်ခံလိုက်ရတယ်။လုံခြုံရေးလိုက်ပါလာတဲ့စစ်သားဆယ်ဦးခန့်သေဆုံးသွားပြီးဝန်ကြီးရဲ့အခြေအနေကိုတော့မသိရှိရသေးဘူး။ပုသိမ်ကလိုက်လာတဲ့စစ်ကူတပ်တွေကတော့တိုက်ခိုက်ခံရတဲ့နေရာတဝိုက်ကိုတောနင်းပြီးရှာဖွေနေကြတယ်။PDFတွေကတော့လျင်မြန်သွက်လက်စွာနဲ့တပ်ဖျောက်သွားကြပြီ။
ပြီးခဲ့တဲ့လကလဲစစ်ကိုင်းတိုင်းကPDFတွေကိုသုံးလအတွင်းအပြတ်ရှင်းမယ်လို့ကြွေးကြော်နေတဲ့စစ်ဗိုလ်ချုပ်သန်းလှိုင်ရဲ့ယာဥ်တန်းတိုက်ခိုက်ခံရသေးတယ်။ဗိုလ်သန်းလှိုင်လဲအဲ့ဒီနောက်ပိုင်းအသံတိတ်သွားတော့တာပဲ။
အခုဆိုရင်စစ်ကောင်စီရဲ့ထိပ်ပိုင်းပုဂ္ဂိုလ်တွေကိုယ်တိုင်တိုက်ခိုက်ခံနေရပြီ။စစ်ခေါင်းဆောင်မင်းအောင်လှိုင်တောင်မှပဲသွားမယ့်လမ်းကြောင်းတွေကိုအချိန်ကပ်မှထုတ်ပြန်တယ်လို့ကြားရတယ်။တပ်တွင်းဖရဲသီးတွေကြောင့်သတင်းပေါက်ကြားမှုကလဲဆက်တိုက်ဆိုသလိုပဲ။သူတို့ထိပ်ပိုင်းခေါင်းဆောင်တွေရဲ့လုံခြုံရေးတောင်စိုးရိမ်စရာဖြစ်လာပြီ။