မိုးတွေဆက်တိုက်ရွာနေတာရက်ဆက်နေပြီ။ခါတိုင်းဒီလိုမိုးရွာရင်ကော်ဖီရယ်၊စာအုပ်လေးရယ်နဲ့ဇိမ်ယူနေကျပဲ။ဒီနှစ်မိုးတွင်းတော့ဇိမ်မယူနိုင်အားဘူး။မိုးရွာရင်စစ်ဘေးရှောင်ပြည်သူတွေဒုက္ခရောက်မှာတွေးပူမိတယ်။တောထဲကသူရဲကောင်းလေးတွေကိုင်တဲ့တူမီးသေနတ်ဆိုတာလဲမိုးမိရင်ယမ်းမပေါက်ဘူးတဲ့။သူတို့လဲစိတ်ညစ်မှာပဲ။မြို့ပေါ်ကလူတွေလဲဘာမှမထူးဘူး။လမ်းဘေးစျေးသည်တွေဆိုအစောထဲကစျေးရောင်းမကောင်းတဲ့ကြားကဒီလိုတနေကုန်မိုးရွာရင်စျေးဦးတောင်ပေါက်ပါ့မလား။ဒီကာလမှာဘယ်နေရာကြည့်ကြည့်သူ့အပူနဲ့သူပဲ။
ဇန်နဝါရီ ၂၉၊ ၂၀၂၅။ (ဗုဒ္ဓဟူး)
ဒီနေ့ဟာတရုတ်နှစ်ကူးနေ့ပါ။အရင်ကမြန်မာနိုင်ငံမှာ အစိုးရအဆက်ဆက်တရုတ်နှစ်ကူးကို ရုံးပိတ်ရက်သတ်မှတ်မပေးဘူး။အခုမင်းအောင်လှိုင်လက်ထက်ကျမှ တရုတ်ကိုအဖေခေါ်ပြီးရုံးပိတ်ရက်သတ်မှတ်လိုက်တယ်။တရုတ်နှစ်ကူးပွဲကိုတော့ ဒီနိုင်ငံမှာထူးထူးခြားခြားဘာမှမပြုလုပ်ကြပါဘူး။ရန်ကုန်ကတရုတ်တန်းတဝိုက်...