ပီဒီအက်ဖ်တွေရဲ့ခြေလှမ်းက တဖြည်းဖြည်းသွက်လာတယ်လို့ဆိုရမယ်။ ဒါပေမဲ့ သူတို့မှာလည်း လက်နက်အင်အားမရှိသေးတော့ တော်တော်လေးရုန်းကန်နေရတယ်။ စစ်ကောင်စီရဲ့တစ်ချို့စခန်း တွေကို ပီဒီအက်ဖ်အဖွဲ့တွေက အသာစီးတိုက်ခိုက်နိုင်တယ်။ တစ်ဖက်မှာလည်း စစ်ကောင်စီက ပီဒီအက်ဖ်အဖွဲ့ဝင်လူငယ်တွေကို လိုက်လံဖမ်းဆီးနေတုန်းပဲ။ ရပ်ကွက်တွေထဲမှာလည်း မထင်ရင် မထင်သလိုသောင်းကျန်းနေတုန်းပဲ။ အာဏာရှင်စနစ်အမြစ်တွယ်နေသရွေ ကျွန်တော်တို့ပြည်သူလူ ထုရဲ့အခြေအနေက ဆိုးသည်ထက်ဆိုးရွာလာပါလိမ့်မယ်။
နိုဝင်ဘာ ၂၅၊ ၂၀၂၃။ (စနေ)
တော်လှန်ရေးအဖွဲ့တွေဟာစစ်ကိုင်းတိုင်းထဲကတတိယမြောက်မြို့အဖြစ်ရွှေပြည်အေးမြို့ကိုထပ်မံသိမ်းယူလိုက်နိုင်တယ်။ရွှေပြည်အေးမြို့ဟာစစ်ကိုင်းတိုင်းအထက်ပိုင်းကမြို့ကြီးတစ်ခုဖြစ်တဲ့ဟုမ္မလင်းမြို့အောက်ဘက်မှာတည်ရှိပြီးတော်လှန်ရေးအဖွဲ့တွေဟာပြီးခဲ့တဲ့နှစ်တုန်းကတစ်ခါသိမ်းပိုက်နိုင်ခဲ့ဘူးတယ်။အဲ့ဒီတုန်းကအခုလိုတနိုင်ငံလုံးမှာတိုက်ပွဲတွေမပြင်းထန်သေးတဲ့အတွက်စစ်တပ်ကအလုံးအရင်းနဲ့ပြန်လည်တိုက်ခိုက်လို့ပြန်ပေးလိုက်ရတယ်။အခုတော့အပြီးသိမ်းနိုင်လိုက်ပါပြီ။ ချင်းပြည်နယ်မှာလဲဒုတိယမြောက်မြို့တစ်ခုကိုထပ်မံသိမ်းပိုက်လိုက်နိုင်တယ်။ချင်းပြည်နယ်တောင်ပိုင်ကလိုင်လင်းပီမြို့လေးပါ။လတ်တလောမှာချင်းပြည်နယ်ထဲကဆက်သွယ်ရေးလမ်းကြောင်းတွေအကုန်လုံးကိုချင်းတော်လှန်ရေးတပ်ဖွဲ့တွေထိန်းချုပ်ထားနိုင်နေပြီလို့သိရတယ်။ဟားခါး၊မင်းတပ်မတူပီစတဲ့မြို့ကြီးတွေကိုဝင်ရောက်သိမ်းပိုက်ဖို့ပဲကျန်တော့တယ်။ထိုမြို့တွေကထိန်းချုပ်နိုင်ရင်အရင်ကပြောခဲ့သလိုပဲချင်းပြည်နယ်ဟာပထဝီအနေအထားအရပထမဆုံးလွတ်မြောက်နယ်မြေတစ်ခုဖြစ်လာလိမ့်မယ်။
