နယ်မြို့အချို့မှာ စစ်ကောင်စီတပ်တွေသောင်းကျန်းနေတယ်။ ဥပမာအားဖြင့် ရေစကြိုနဲ့မြောင်မြို့ နယ်အတွင်းမှာရှိတဲ့ကျေးရွာတွေကို စစ်တပ်ကဝင်ရောက်မွှေနှောက်နေတယ်။ တော်တော် လေးစိတ် ပျက်စရာကောင်းတယ်။ အပြစ်မဲ့တဲ့ပြည်သူတွေကိုနှိပ်စက်ဖမ်းဆီးနေတယ်။ ခင်ဦးမြို့မှာလည်း ဈေးရောင်းရာကနေပြန်လာတဲ့ဇနီးမောင်နှံကိုစစ်တပ်က ပစ်သတ်လိုက်တယ်။ သူတို့ရဲ့ဦးတည်ချက် က ပြည်သူတွေကို နှိပ်စက်စော်ကားဖို့ပဲဖြစ်တယ်။ ပြည်သူတွေအနေနဲ့ ခံရခက်လှပြီ။ ဘာဆက်လုပ်ရ မလဲမသိတော့ဘူး။ ဒီကောင်တွေကို အမြစ်ဖြုတ်ချင်နေပြီ။
နိုဝင်ဘာ ၂၅၊ ၂၀၂၃။ (စနေ)
တော်လှန်ရေးအဖွဲ့တွေဟာစစ်ကိုင်းတိုင်းထဲကတတိယမြောက်မြို့အဖြစ်ရွှေပြည်အေးမြို့ကိုထပ်မံသိမ်းယူလိုက်နိုင်တယ်။ရွှေပြည်အေးမြို့ဟာစစ်ကိုင်းတိုင်းအထက်ပိုင်းကမြို့ကြီးတစ်ခုဖြစ်တဲ့ဟုမ္မလင်းမြို့အောက်ဘက်မှာတည်ရှိပြီးတော်လှန်ရေးအဖွဲ့တွေဟာပြီးခဲ့တဲ့နှစ်တုန်းကတစ်ခါသိမ်းပိုက်နိုင်ခဲ့ဘူးတယ်။အဲ့ဒီတုန်းကအခုလိုတနိုင်ငံလုံးမှာတိုက်ပွဲတွေမပြင်းထန်သေးတဲ့အတွက်စစ်တပ်ကအလုံးအရင်းနဲ့ပြန်လည်တိုက်ခိုက်လို့ပြန်ပေးလိုက်ရတယ်။အခုတော့အပြီးသိမ်းနိုင်လိုက်ပါပြီ။ ချင်းပြည်နယ်မှာလဲဒုတိယမြောက်မြို့တစ်ခုကိုထပ်မံသိမ်းပိုက်လိုက်နိုင်တယ်။ချင်းပြည်နယ်တောင်ပိုင်ကလိုင်လင်းပီမြို့လေးပါ။လတ်တလောမှာချင်းပြည်နယ်ထဲကဆက်သွယ်ရေးလမ်းကြောင်းတွေအကုန်လုံးကိုချင်းတော်လှန်ရေးတပ်ဖွဲ့တွေထိန်းချုပ်ထားနိုင်နေပြီလို့သိရတယ်။ဟားခါး၊မင်းတပ်မတူပီစတဲ့မြို့ကြီးတွေကိုဝင်ရောက်သိမ်းပိုက်ဖို့ပဲကျန်တော့တယ်။ထိုမြို့တွေကထိန်းချုပ်နိုင်ရင်အရင်ကပြောခဲ့သလိုပဲချင်းပြည်နယ်ဟာပထဝီအနေအထားအရပထမဆုံးလွတ်မြောက်နယ်မြေတစ်ခုဖြစ်လာလိမ့်မယ်။
