ခြောက်လကျော်အတွင်းမှာ စစ်ကောင်စီက အပြစ်မဲ့ပြည်သူ ၁၀၀၆ ဦးကိုသတ်ဖြတ်ခဲ့တယ်လို့ နိုင်ငံရေးအကျဉ်းသားများကူညီစောင့်ရှောက်ရေးအသင်း (အေအေပီပီ) ကထုတ်ပြန်ခဲ့တယ်။ ဒါက သူတို့မှတ်တမ်းတင်ထားတဲ့အရေအတွက်ပဲဖြစ်ပြီး တကယ်တမ်းမှတ်တမ်းမတင်နိုင်တဲ့ အရေအတွက် တွေအများကြီးရှိနေတယ်ဆိုတာ ပြည်သူအားလုံးမျက်မြင်ကိုယ်တွေ့ပါပဲ။ သူတို့ရဲ့ရက်စက်မှုတွေကို ဘယ်လိုနည်းနဲ့ပဲတုန့် ပြန်တုန့်ပြန် မကျေနပ်နိုင်ပါဘူး။ တန့်ဆည်၊ မန္တလေးအပါအဝင် နေရာအနှံ့မှာ တော့ စစ်ကောင်စီကိုဆန့်ကျင်တဲ့သပိတ်တွေကျင်းပနေတုန်းပဲ။ တော်လှန်ရေး အရှိန်ကရပ်တန့် မသွားပါဘူး။ ကိုဗစ်ဖြစ်ပွားမှုနှုန်းက တစ်ဖြည်းဖြည်းလျော့လာတယ်လို့ယူဆလို့ရတယ်။ အခုရက်ပိုင်း အောက်ဆီဂျင်ရှာတဲ့သူတွေနည်းလာတယ်။
ဇန်နဝါရီ ၂၉၊ ၂၀၂၅။ (ဗုဒ္ဓဟူး)
ဒီနေ့ဟာတရုတ်နှစ်ကူးနေ့ပါ။အရင်ကမြန်မာနိုင်ငံမှာ အစိုးရအဆက်ဆက်တရုတ်နှစ်ကူးကို ရုံးပိတ်ရက်သတ်မှတ်မပေးဘူး။အခုမင်းအောင်လှိုင်လက်ထက်ကျမှ တရုတ်ကိုအဖေခေါ်ပြီးရုံးပိတ်ရက်သတ်မှတ်လိုက်တယ်။တရုတ်နှစ်ကူးပွဲကိုတော့ ဒီနိုင်ငံမှာထူးထူးခြားခြားဘာမှမပြုလုပ်ကြပါဘူး။ရန်ကုန်ကတရုတ်တန်းတဝိုက်...