ငွေစက္ကူအသစ်တွေရိုက်နှိပ်ထုတ်ဝေနေတဲ့သတင်းထွက်လာတယ်။ စစ်ကောင်စီအနေနဲ့ ဘယ်ဖက်က မှမအောင်မြင်ဘူး။ ဒီတော့ သူတို့ပိုက်ဆံရနိုင်တဲ့လမ်းကြောင်းတွေကို တတ်နိုင်သမျှရှာ တယ်။ ဘယ်နေရာကလာဘ်ရမလဲ၊ ဘယ်နေရာက အချိုအချောင်ရမလဲဆိုတာတွေကို အမြဲတမ်းစဉ်းစားနေ တယ်။ အခုအခြေအနေကပိုဆိုးတယ်။ တောမှာဆိုရင်လည်း တောကိုရောက်နေတဲ့စစ်ခွေးတွေ က ရွာထဲဝင် တွေ့ရာခိုးယူသွားတယ်။ ရွာသားတွေကို နှိပ်စက်သတ်ဖြတ်တယ်။ မြို့မှာဆိုရင်လည်း ဒီအတိုင်းပဲ။ မထင်ရင်မထင်သလို လူတွေကိုရိုက်နှက်ကန်ကျောက်တယ်။ သူတို့လိုချင်တဲ့ပစ္စည်း တွေကိုဆိုရင်လည်း ခွင့်မတောင်းဘဲနဲ့လုသွားတယ်။ ခိုးသွားတယ်။ ကဲ …စစ်တပ်ကျေးဇူးဘာရှိလဲ။ တကယ်ပဲ။ စစ်တပ်ပေးတဲ့ကောင်းကျိုးဆိုလို့ မြူတစ်မှုန်မှတောင်မရှိခဲ့ဘူး။ အရင်တုန်းကလည်း မရှိခဲ့ သလိုအခုလည်းမရှိဘူး။ ဒီတော့ ဒီစစ်အာဏာရှင်မျိုးဆက်ပြတ်သုဉ်းမှရမယ်။
မေ ၂၀၊ ၂၀၂၃။ (စနေ)
ကရင်ပြည်နယ်၊ကော့ကရိတ်မြို့ရှိမြို့အဝင်အထွက်လမ်းတချို့ကိုစစ်ကောင်စီတပ်ကမြေတူးကားနဲ့ဖျက်ဆီးသွားပါတယ်။ထိုလမ်းတွေဟာကော့ကရိတ်မြို့ကနေကျေးရွာတွေဘက်ကိုကုန်စည်စီးဆင်းမှုအတွက်ဒေသခံတွေအသုံးပြုတဲ့လမ်းတွေပါ။စစ်ကောင်စီကပြည်သူတွေဒုက္ခရောက်အောင်ရိက္ခာပြတ်အောင်ဘက်ဟိုးနဲ့ထိုးပြီးပိတ်ချလိုက်တယ်။တိုင်းပြည်ကိုကျတော့အုပ်ချုပ်ချင်တယ်။လမ်းတွေခင်းပေးမယ့်အစားကောင်းနေတဲ့လမ်းတွေကိုတောင်ဖျက်စီးပစ်တယ်။ကော့ကရိတ်မြို့ကိုတော်လှန်ရေးအဖွဲ့တွေကကောင်းကောင်းခြိမ်းခြောက်နိုင်နေတဲ့အတွက်စစ်ကောင်စီဟာကြံမိကြံရာကြံပြီးပြည်သူတွေထိခိုက်အောင်အလွဲတွေချည်းလျောက်လုပ်နေတယ်။
