ရုံးပိတ်ရက်လည်းဖြစ်တယ်။ ၈၈၈၈ နှစ်ပတ်လည်နေ့လည်းဖြစ်တယ်။ ဒါကြောင့် ကိုယ်စီကိုယ်ငှ လှုပ်ရှား မှုလေးတွေပြုလုပ်ကြတာတွေ့ရတယ်။ စစ်ကောင်စီကို တတ်နိုင်သမျှဆန့်ကျင်နေကြတယ်။ တစ်ချို့က တော့ စစ်ခွေးတွေရဲ့ နိုင်ထက်စီးနင်းပြုလုပ်နေတဲ့ခံစားချက်ကို ဆိုရှယ်မီဒီယာပေါ်မှာဝေမျှတယ်။ တစ်ချို့ ကတော့ ပြောက်ကျားသပိတ်မှာပါဝင်ဆင်နွဲတယ်။ ပြည်ပကလူတွေကတော့ အထိမ်းအမှတ်ပွဲလေးတွေ လုပ်ကြတာတွေ့တယ်။ ဒီနေ့ ရန်ကုန်မြို့တစ်ဝိုက်မှာ စစ်ခွေးတွေလှည့်လည်သွားလာနေတာတွေခပ်စိပ် စိပ်တွေ့ရတယ်။
ဇူလိုင် ၂၁၊ ၂၀၂၄။ (တနင်္ဂနွေ)
တရုတ်ရဲ့ဖိအားပေးမှုကြောင့်ကိုးကန့်တပ်တော်MNDAAကဒီလကုန်ထိအပစ်ရပ်ဦးမယ်လို့ကြေညာလိုက်ပါတယ်။ပြီးခဲ့တဲ့ရက်တွေကလဲတရုတ်မှာညီလာခံရှိလို့ဆိုပြီးလေးရက်ကြာတဖက်သတ်အပစ်ရပ်ပြီးပြီ။အခုလဲထပ်ပြီးအပစ်ရပ်ရဦးမယ်တဲ့။ တရုတ်ဟာ၁၀၂၇စစ်ဆင်ရေးအပိုင်း၂ဆင်နွဲနေတဲ့မြောက်ပိုင်းမဟာမိတ်တပ်တွေကိုနည်းလမ်းမျိုးစုံသုံးပြီး ဖိအားပေးနေပါတယ်။MNDAAအဖွဲ့လားရှိုးကိုစတိုက်တဲ့ဇူလိုင်၃ရက်နေ့ကစပြီးလောက်ကိုင်မြို့ကိုလျပ်စစ်မီးတွေဖြတ်တောက်ခဲ့တယ်။ဒါ့အပြင်MNDAAထိန်းချုပ်ထားတဲ့နယ်စပ်ကုန်သွယ်ရေးဂိတ်တွေကိုလဲတရုတ်ဘက်ကပိတ်ပစ်ခဲ့တယ်။အခုလဲမကြာခဏအပစ်ရပ်ခိုင်းနေပြန်ပြီ။ တရုတ်ဟာတော်လှန်ရေးအဖွဲ့တွေဘက်ရောစစ်ကောင်စီဘက်ကိုပါပြိုင်တူဖိအားပေးပြီးသူလိုချင်တဲ့လမ်းကြောင်းကို ရောက်အောင်ပုံသွင်းနေပါတယ်။စစ်ခေါင်းဆောင်မင်းအောင်လှိုင်ကိုလဲ...