ဩဂုတ်လ ၃ ရက်ညပိုင်းမှာ စစ်ကောင်စီတပ်က ကချင်ပြည်နယ်ဝိုင်းမော်မြို့နယ်မှာ နာရီပေါင်းများစွာ ကြာအောင်တစ်ဖက်သတ်ပစ်ခတ်ခဲ့တယ်။ လက်နက်ကြီး၊ လက်နက်ငယ်တွေသုံးပြီးပစ်ခတ်တာလို့ ဆို ရှယ်မီဒီယာပေါ်မှာ အခိုင်အမာပြောဆိုဝေမျှကြတယ်။ ဓါတ်ပုံတွေလည်းတက်လာတယ်။ ဒေသခံတွေက အိပ်လို့မရလောက်အောင် အသံတွေကြားရကြတယ်။ မြန်မာနိုင်ငံတစ်ဝန်းမှာ လက်နက်အားကိုးနဲ့အနိုင် ကျင့်စော်ကားနေတာ ခြောက်လကျော်လာပြီ။ ပြည်သူတွေကလည်း အလူးအလှိမ့်ခံစားနေကြရတုန်းပဲ။ ဘဝပေါင်းများစွာ သေကြေပျက်စီးပြီးပြီ။ သူတို့ မရပ်နိုင်သေးဘူးလား။ ဘုရားက သူတို့ကို ဒဏ်မခတ်သေး ဘူးလား။
ဇူလိုင် ၂၁၊ ၂၀၂၄။ (တနင်္ဂနွေ)
တရုတ်ရဲ့ဖိအားပေးမှုကြောင့်ကိုးကန့်တပ်တော်MNDAAကဒီလကုန်ထိအပစ်ရပ်ဦးမယ်လို့ကြေညာလိုက်ပါတယ်။ပြီးခဲ့တဲ့ရက်တွေကလဲတရုတ်မှာညီလာခံရှိလို့ဆိုပြီးလေးရက်ကြာတဖက်သတ်အပစ်ရပ်ပြီးပြီ။အခုလဲထပ်ပြီးအပစ်ရပ်ရဦးမယ်တဲ့။ တရုတ်ဟာ၁၀၂၇စစ်ဆင်ရေးအပိုင်း၂ဆင်နွဲနေတဲ့မြောက်ပိုင်းမဟာမိတ်တပ်တွေကိုနည်းလမ်းမျိုးစုံသုံးပြီး ဖိအားပေးနေပါတယ်။MNDAAအဖွဲ့လားရှိုးကိုစတိုက်တဲ့ဇူလိုင်၃ရက်နေ့ကစပြီးလောက်ကိုင်မြို့ကိုလျပ်စစ်မီးတွေဖြတ်တောက်ခဲ့တယ်။ဒါ့အပြင်MNDAAထိန်းချုပ်ထားတဲ့နယ်စပ်ကုန်သွယ်ရေးဂိတ်တွေကိုလဲတရုတ်ဘက်ကပိတ်ပစ်ခဲ့တယ်။အခုလဲမကြာခဏအပစ်ရပ်ခိုင်းနေပြန်ပြီ။ တရုတ်ဟာတော်လှန်ရေးအဖွဲ့တွေဘက်ရောစစ်ကောင်စီဘက်ကိုပါပြိုင်တူဖိအားပေးပြီးသူလိုချင်တဲ့လမ်းကြောင်းကို ရောက်အောင်ပုံသွင်းနေပါတယ်။စစ်ခေါင်းဆောင်မင်းအောင်လှိုင်ကိုလဲ...