တာမွေမှာ ပြုလုပ်နေတဲ့ ရန်ကုန်သပိတ်စစ်ကြောင်းတစ်ခုကို စစ်ကောင်စီတပ်တွေက သေနတ်နဲ့ ပစ်ခတ် ဖြိုခွင်းတဲ့အဖြစ်အပျက်ဒီနေ့ ကြုံရတယ်။ လူတွေ သေလုမျောပါးဖြစ်ပြီး ရောဂါဘယထူပြောနေတဲ့အချိန် မှာတောင် အာဏာရှင်ကိုတွန်းလှန်သပိတ်စစ်ကြောင်းတွေလုပ်နိုင်တဲ့သူတွေကို လေးစားမိတယ်။ မင်း အောင်လှိုင်ရဲ့အမျိုးသမီး ကြူကြူလှက ကိုဗစ်ရောဂါခံစားနေရတယ်လို့သတင်းထွက်တယ်။ သူနဲ့ပတ် သက်တဲ့ကာတွန်းပုံလေးလည်းတွေ့ရတယ်။ မင်းအောင်လှိုင်က မီးသင်္ဂြိုလ်စက်တွေတည်ဆောက်နေတဲ့ အချိန်မှာ သူ့မိန်းမကကိုဗစ်ဖြစ်တယ်ဆိုတော့ သူ့မိန်းမအတွက်ရည်ရွယ်ပြီးဆောက်ပေးနေတာများလား လို့ စနောက်ပြောဆိုကြသေးတယ်။ ကျဆုံးနေတဲ့ မြန်မာနိုင်ငံကြီးမှာအသက်ရှင်ရတဲ့အခြေအနေက တော် တော်ကြီးဆိုးရွားနေတယ်။
အောက်တိုဘာ ၀၆၊ ၂၀၂၄။ (တနင်္ဂနွေ)
ဒီရက်ပိုင်းမှာတော့စစ်ကောင်စီဟာအသက်ရှူချောင်နေပါတယ်။စစ်ရေးပိုင်းမှာတရုတ်ဖိအားကြောင့်မြောက်ပိုင်းထိုးစစ်တွေကြီးကြီးမားမားမလုပ်တော့ပဲရပ်တန့်ထားရတယ်။ဒါ့အပြင်ရေဘေးကြောင့်နိုင်ငံရဲ့နေရာဒေသအနှံအပြားမှာလဲတော်လှန်ရေးထက်ကယ်ဆယ်ရေးကိုဦးစားပေးလုပ်နေရတယ်။ နိုင်ငံရေးပိုင်းမှာတော့စစ်ကောင်စီဟာလောလောဆယ်မှာသန်းခေါင်စာရင်းကိုတွန်းကောက်နေတယ်။ပြီးရင်လာမယ့်နှစ်ဒီအချိန်မှာအတုအယောင်ရွေးကောက်ပွဲတစ်ခုပြန်လုပ်ပေးမယ်လို့လေသံပစ်ထားတယ်။ စီးပွားရေးဘက်မှာလဲတရုတ်ကပေးထားတဲ့ယွမ်ငွေတစ်ဘီလီယံကြောင့်လတ်တလောကြုံတွေ့နေရတဲ့ငွေကြေးအကြပ်အတည်းကစစ်ကောင်စီဟာလွတ်မြောက်သွားတယ်။ဒေါ်လာစျေးတွေသိသိသာသာကျလာတယ်။စက်သုံးဆီပြတ်လတ်မှုတွေမရှိသလောက်ဖြစ်သွားတယ်။ဒါပေမယ့်စစ်ကောင်စီပဲအသက်ရှူချောင်တာပါ။သာမာန်ပြည်သူတွေကတော့အရင်အတိုင်းကုန်စျေးနှုန်းကြီးမြင့်မှုတွေနဲ့စီးပွားရေးအကြပ်အတည်းတွေကိုရင်ဆိုင်နေရဆဲပါပဲ။