စစ်ခွေးတွေဟာ အောက်ဆီဂျင်ပေးမယ်။ မြို့နယ်အလိုက် အောက်ဆီဂျင်ပေးမယ်လို့ဆိုတယ်။ ဒါပေမဲ့ ရပ်ကွက်ထောက်ခံစာပါလာရမယ်တဲ့။ ရပ်ကွက်အုပ်ချုပ်ရေးမှူးရုံးကို အသက်သွင်းနေကြတာြဖစ်တယ်။ စစ်သူပုန်တွေရဲ့ ဒီအစီအစဉ်ဟာ အောင်မြင်ပါ့မလားစောင့်ကြည့်ရမှာပဲ။ ကျွန်တော်တို့ရဲ့စိတ်ထဲမှာ ဒီစစ် ခွေးတွေကို တော်တော်လေးနာကျဉ်းလေပြီ။
စက်တင်ဘာ ၀၈၊ ၂၀၂၃။ (သောကြာ)
NUGကခုခံတော်လှန်စစ်နှစ်နှစ်ပြည့်အစီရင်ခံစာတစ်ခုကိုထုတ်ပြန်လိုက်တယ်။ထိုအစီရင်ခံစာထဲမှာတော့NUGကတပ်ရင်း၃၀၀ကျော်ဖွဲ့စည်းထားပြီးပြီဖြစ်ကြောင်း၊ဒီနှစ်နှစ်အတွင်းမှာစစ်ကောင်စီတပ်တွေနဲ့တိုက်ပွဲပေါင်း၉၉၀၀ကျော်ဖြစ်ပွားခဲ့ပြီးရန်သူအင်အားသုံးသောင်းကျော်ခြေမှုန်းထားနိုင်ကြောင်း၊ထွက်ပြေးသူလက်နက်ချသူတစ်သောင်းကျော်ရှိကြောင်း၊ဒါ့ကြောင့်ရန်သူစုစုပေါင်းအင်အားရဲ့၁၅ရာခိုင်နှုန်းခန့်ပြုန်းတီးသွားပြီဖြစ်ကြောင်းတင်ပြထားတယ်။ ပထမနှစ်နဲ့ဒုတိယနှစ်ကိုနှိုင်းယှဉ်ပြီးပထမနှစ်ကိုမဟာဗျူဟာခံစစ်ကာလ၊ဒုတိယနှစ်ကိုထိုးစစ်အကြိုကာလအဖြစ်သတ်မှတ်ထားတယ်။ဒုတိယနှစ်အတွင်းစခန်းသိမ်းတိုက်ပွဲ၃ဆကျော်တိုးမြှင့်ဆင်နွှဲနိုင်ခဲ့ကြောင်းယခုအချိန်မှာမဟာဗျူဟာမြောက်ထိုးစစ်အတွက်ပြင်ဆင်မှုတွေလုပ်နေကြောင်းလဲတင်ပြထားတယ်။