အသက်ရှုမဝတဲ့သူတွေများလာတယ်။ ရန်ကုန်မြို့ရဲ့နေရာအနှံ့မှာ လူတွေဟာ အောက်ဆီဂျင်အိုးရရှိဖို့ အတွက် ပုံစံမျိုးစုံနဲ့ဝယ်ယူဖို့အသင့်ရှိနေကြတယ်။ အောက်ဆီဂျင်အိုးရဲ့ဈေးနှုန်းတွေဟာလည်း ပုံမှန်ထက် အဆမတန်မြင့်တက်သွားကြတယ်။ လူသေနှုန်းတွေလည်းတအားများလာတယ်။ ကိုဗစ်ရောဂါနဲ့သေဆုံး သူတွေ နေ့စဉ်ရာချီပြီရှိနေတယ်။ သင်္ချိုင်းမှာ အလောင်းတွေတောင်ပုံယာပုံဖြစ်နေတယ်။ အောက်ဆီဂျင် ကျပြီးသေဆုံးသူတွေချည်းပါပဲ။ ဆိုရှယ်မီဒီယာပေါ်မှာလည်း အရေးပေါ်အောက်ဆီဂျင်လိုအပ်နေတယ်ဆို ပြီး အကူအညီတောင်းတဲ့ပို့စ်တွေချည်းတွေ့နေရတော့တယ်။ စစ်သူပုန်တွေဟာ အောက်ဆီဂျင်ရောင်းချ တဲ့နေရာတွေကိုလည်း လိုက်လံတားဆီးနေတယ်လို့ ကိုယ်တွေ့ကြုံရသူတွေကပြောတယ်။ ဘာရည်ရွယ် ချက်နဲ့များ အခုလိုလုပ်ရတာလဲ။
အောက်တိုဘာ ၀၆၊ ၂၀၂၄။ (တနင်္ဂနွေ)
ဒီရက်ပိုင်းမှာတော့စစ်ကောင်စီဟာအသက်ရှူချောင်နေပါတယ်။စစ်ရေးပိုင်းမှာတရုတ်ဖိအားကြောင့်မြောက်ပိုင်းထိုးစစ်တွေကြီးကြီးမားမားမလုပ်တော့ပဲရပ်တန့်ထားရတယ်။ဒါ့အပြင်ရေဘေးကြောင့်နိုင်ငံရဲ့နေရာဒေသအနှံအပြားမှာလဲတော်လှန်ရေးထက်ကယ်ဆယ်ရေးကိုဦးစားပေးလုပ်နေရတယ်။ နိုင်ငံရေးပိုင်းမှာတော့စစ်ကောင်စီဟာလောလောဆယ်မှာသန်းခေါင်စာရင်းကိုတွန်းကောက်နေတယ်။ပြီးရင်လာမယ့်နှစ်ဒီအချိန်မှာအတုအယောင်ရွေးကောက်ပွဲတစ်ခုပြန်လုပ်ပေးမယ်လို့လေသံပစ်ထားတယ်။ စီးပွားရေးဘက်မှာလဲတရုတ်ကပေးထားတဲ့ယွမ်ငွေတစ်ဘီလီယံကြောင့်လတ်တလောကြုံတွေ့နေရတဲ့ငွေကြေးအကြပ်အတည်းကစစ်ကောင်စီဟာလွတ်မြောက်သွားတယ်။ဒေါ်လာစျေးတွေသိသိသာသာကျလာတယ်။စက်သုံးဆီပြတ်လတ်မှုတွေမရှိသလောက်ဖြစ်သွားတယ်။ဒါပေမယ့်စစ်ကောင်စီပဲအသက်ရှူချောင်တာပါ။သာမာန်ပြည်သူတွေကတော့အရင်အတိုင်းကုန်စျေးနှုန်းကြီးမြင့်မှုတွေနဲ့စီးပွားရေးအကြပ်အတည်းတွေကိုရင်ဆိုင်နေရဆဲပါပဲ။