အနုပညာရှင်တော်တော်များများက လွတ်မြောက်နယ်မြေကိုရောက်နေကြတယ်။ ဒါပေမဲ့ သူတို့လည်း ကိုဗစ်ဝေဒနာကိုခံစားကြရတယ်။ အဆိုတော်အောင်ထက်ကလည်း ကိုဗစ်ဖြစ်ပြီး ပြန်လည်သက်သာလာ တဲ့အကြောင်းကို သူရောက်ရှိနေတဲ့ နေရာကနေ ပြောတဲ့ ဗီဒီယိုဖိုင်တစ်ဖိုင်တက်လာတယ်။ မြန်မာနိုင်ငံ မှာ လူတော်တွေ၊ ပညာတတ်တွေက ပြေးကြ၊ ပုန်းကြ၊ ထောင်ထဲရောက်ကြတဲ့အခြေအနေဖြစ်နေတယ်။ ဟို ပညာမတတ်၊ အာဏာရူးနေတဲ့ လက်နက်ကိုင်အကြမ်းဖက်သောင်းကျန်းသူမအလအုပ်စုကတော့ မိုက် ရိုင်းယုတ်မာလို့မပြီးနိုင်သေးဘူး။ လူတွေလည်းသေတာများလှပြီ။ မြန်မြန်ဆင်းပေးပါတော့လို့သာအော် ဟစ်လိုက်ချင်တော့တယ်။
မေ ၂၀၊ ၂၀၂၃။ (စနေ)
ကရင်ပြည်နယ်၊ကော့ကရိတ်မြို့ရှိမြို့အဝင်အထွက်လမ်းတချို့ကိုစစ်ကောင်စီတပ်ကမြေတူးကားနဲ့ဖျက်ဆီးသွားပါတယ်။ထိုလမ်းတွေဟာကော့ကရိတ်မြို့ကနေကျေးရွာတွေဘက်ကိုကုန်စည်စီးဆင်းမှုအတွက်ဒေသခံတွေအသုံးပြုတဲ့လမ်းတွေပါ။စစ်ကောင်စီကပြည်သူတွေဒုက္ခရောက်အောင်ရိက္ခာပြတ်အောင်ဘက်ဟိုးနဲ့ထိုးပြီးပိတ်ချလိုက်တယ်။တိုင်းပြည်ကိုကျတော့အုပ်ချုပ်ချင်တယ်။လမ်းတွေခင်းပေးမယ့်အစားကောင်းနေတဲ့လမ်းတွေကိုတောင်ဖျက်စီးပစ်တယ်။ကော့ကရိတ်မြို့ကိုတော်လှန်ရေးအဖွဲ့တွေကကောင်းကောင်းခြိမ်းခြောက်နိုင်နေတဲ့အတွက်စစ်ကောင်စီဟာကြံမိကြံရာကြံပြီးပြည်သူတွေထိခိုက်အောင်အလွဲတွေချည်းလျောက်လုပ်နေတယ်။
