ပြည်သူ့မှာ ပြည်သူပဲရှိပါတယ်။ လက်ရှိမှာ ပြည်သူ့အစိုးရလည်းမရှိဘူး။ ပြည်သူ့ကိုယ်စားပြုကာကွယ် ပေးမယ့်သူလည်းမရှိဘူး။ ပြည်သူကို နည်းလမ်းအမျိုးမျိုးနဲ့နှိပ်စက်နေတဲ့ စစ်သူပုန်တွေပဲရှိတယ်။ ဒီတော့ အစစအရာရာကို အချင်းချင်းအားကိုးအားထားပြုကြရတယ်။ စားစရာမရှိတဲ့သူတစ်ချို့ဟာ ဆိုရှယ်မီဒီ ယာပေါ်တင်ပြီး အကူအညီတောင်းကြတယ်။ တစ်ချို့တွေကိုကျတော့ အိမ်နီးချင်းတွေကကူညီကြတယ်။ တော်တော်များများကလည်း အဆင်မပြေတဲ့ကာလမို့လို့ ခြိုးခြံချွေတာပြီးနေကြရတယ်။ နောက်တော့ သတ်မှတ်ချက်လေးနှစ်ခုကို ဆောင်ရွက်ဖို့အချင်းချင်းဆော်ဩလိုက်ကြတယ်။ စားစရာလိုအပ်ရင်အဝတ် အဖြူရောင်၊ ဆေးကုသဖို့လိုအပ်ရင် အဝတ်အဝါရောင် ကို အိမ်ရှေ့မှာအလံထောင်ပြီးအကူအညီတောင်း ဖို့ ကမ်ပိန်းကိုရက်ပိုင်းအတွင်းမှာ လုပ်လာကြလိမ့်မယ်။
မေ ၂၄၊ ၂၀၂၃။ (ဗုဒ္ဓဟူး)
မွန်ပြည်နယ်၊ကျိုက်ထိုမြို့ကရွာပေါင်း၂၅ရွာအသုံးပြုနေတဲ့ရွာချင်းဆက်အကြမ်းဖက်စစ်တပ်ကဖျက်စီးသွားတယ်။ဒီတခေါက်ဖျက်စီးတာငါးခေါက်မြောက်ဖြစ်ပြီးညပိုင်းမှာအင်အား၆၀ခန့်နဲ့လာရောက်ဖျက်စီးသွားတာဖြစ်တယ်။မြို့ကိုနှစ်ခြမ်းခွဲချင်တဲ့ရည်ရွယ်ချက်နဲ့ဖျက်စီးသွားတာလို့ဒေသခံတွေကပြောကြတယ်။ဟိုအရင်ရက်ကလဲကော့ကရိတ်မြို့အဝင်လမ်းတွေကိုဖျက်စီးသွားသေးတယ်။ ဒါကိုကြည့်မယ်ဆိုရင်စစ်တပ်ဟာသူတို့ဆီလာမယ့်လမ်းတွေကိုပါဖျက်စီးပြီးခံစစ်ပြင်နေရပြီ။ဒါမျိုးကိုအရင်ကအင်အားနည်းတဲ့တိုင်းရင်းသားလက်နက်ကိုင်အဖွဲ့တွေဟာစစ်တပ်လာတိုက်မှာကြောက်လို့လုပ်ခဲ့ကြပေမယ့်အခုစစ်တပ်ကိုယ်တိုင်ကဒီလိုပုံစံမျိုးပြန်လုပ်နေရပြီဆိုတော့သူတို့အင်အားနည်းတာပိုမိုပေါ်လွင်လာပြီဖြစ်တယ်။
