ရန်ကုန်မှာကိုဗစ်ကြောင့်အောက်ဆီဂျင်လိုအပ်နှုန်းချက်ချင်းမြင့်တက်လာတယ်။ ဆေးရုံတွေကလူနာတွေထပ်လက်မခံတော့အိမ်မှာပဲကုနေတဲ့သူတွေ အောက်ဆီဂျင်ကျတဲ့အခါသုံးဖို့အောက်ဆီဂျင်ကိုတန်းစီနေရပြီ။ တော်တော်များများလဲဖျားနာနေကြတယ်။ ဖျားပြီးဆိုရင်တော့ကိုဗစ်ဖြစ်ဖို့သေချာသလောက်ပဲ။ ဒီကြားထဲစစ်ကောင်စီဟာအောက်ဆီဂျင်စက်ရုံတွေကိုဝင်သိမ်းပြီးပြည်သူကို အောက်စီဂျင်မဖြည့်ပေးဖို့တားဆီးမှုတွေလုပ်လာတယ်။ အတော်ယုတ်မာပတ်စပ်တဲ့ကောင်တွေပဲ။ အရင်အစိုးရလုပ်ပေးသွားတဲ့ဖောင်ကြီးလိုကိုဗစ်စင်တာကြီးတွေကိုလဲတပ်ပိုင်အဖြစ်သိမ်းလိုက်ပြီ။ စစ်တပ်ထဲမှာလဲကိုဗစ်ကထိန်းမနိုင်သိမ်းမရဖြစ်နေပြီကြားတယ်။ ဒင်းတို့အကုန်မြန်မြန်သေသွားကြပါစေ။
စက်တင်ဘာ ၀၈၊ ၂၀၂၃။ (သောကြာ)
NUGကခုခံတော်လှန်စစ်နှစ်နှစ်ပြည့်အစီရင်ခံစာတစ်ခုကိုထုတ်ပြန်လိုက်တယ်။ထိုအစီရင်ခံစာထဲမှာတော့NUGကတပ်ရင်း၃၀၀ကျော်ဖွဲ့စည်းထားပြီးပြီဖြစ်ကြောင်း၊ဒီနှစ်နှစ်အတွင်းမှာစစ်ကောင်စီတပ်တွေနဲ့တိုက်ပွဲပေါင်း၉၉၀၀ကျော်ဖြစ်ပွားခဲ့ပြီးရန်သူအင်အားသုံးသောင်းကျော်ခြေမှုန်းထားနိုင်ကြောင်း၊ထွက်ပြေးသူလက်နက်ချသူတစ်သောင်းကျော်ရှိကြောင်း၊ဒါ့ကြောင့်ရန်သူစုစုပေါင်းအင်အားရဲ့၁၅ရာခိုင်နှုန်းခန့်ပြုန်းတီးသွားပြီဖြစ်ကြောင်းတင်ပြထားတယ်။ ပထမနှစ်နဲ့ဒုတိယနှစ်ကိုနှိုင်းယှဉ်ပြီးပထမနှစ်ကိုမဟာဗျူဟာခံစစ်ကာလ၊ဒုတိယနှစ်ကိုထိုးစစ်အကြိုကာလအဖြစ်သတ်မှတ်ထားတယ်။ဒုတိယနှစ်အတွင်းစခန်းသိမ်းတိုက်ပွဲ၃ဆကျော်တိုးမြှင့်ဆင်နွှဲနိုင်ခဲ့ကြောင်းယခုအချိန်မှာမဟာဗျူဟာမြောက်ထိုးစစ်အတွက်ပြင်ဆင်မှုတွေလုပ်နေကြောင်းလဲတင်ပြထားတယ်။