UNရဲ့ဆုံးဖြတ်ချက်ထွက်ပြီးပြီးချင်းပဲစစ်ခေါင်းဆောင်မင်းအောင်လှိုင်ရုရှားကိုအစည်းအဝေးသွားတက်တယ်ကြားတယ်။သတင်းဓာတ်ပုံတွေအရတော့ဟိုမှာသူ့ကိုလူလိုသူလိုကြိုဆိုခြင်းမခံရဘူး။သူ့အနေနဲ့ကတော့နိုင်ငံတကာရဲ့ပိတ်ဆို့မှုတွေကိုရှောင်ရှားဖို့ရသလောက်ထွက်ပေါက်ရှာမှာပဲ။
ချင်းပြည်နယ်မင်းတပ်မှာCDFနဲ့စစ်ကောင်စီ၂ပတ်ကြာအပစ်အခတ်ရပ်စဲလိုက်တယ်။သို့ပေမယ့်လဲစစ်ကောင်စီကိုမယုံတဲ့အတွက်စစ်ဘေးရှောင်တွေကိုယ့်အိမ်ကိုယ်ပြန်မလာရဲသေးဘူး။စစ်ဘေးရှောင်တွေအတွက်နည်းနည်းတော့အသက်ရှူချောင်သွားတာပေါ့။
မေ ၂၄၊ ၂၀၂၃။ (ဗုဒ္ဓဟူး)
မွန်ပြည်နယ်၊ကျိုက်ထိုမြို့ကရွာပေါင်း၂၅ရွာအသုံးပြုနေတဲ့ရွာချင်းဆက်အကြမ်းဖက်စစ်တပ်ကဖျက်စီးသွားတယ်။ဒီတခေါက်ဖျက်စီးတာငါးခေါက်မြောက်ဖြစ်ပြီးညပိုင်းမှာအင်အား၆၀ခန့်နဲ့လာရောက်ဖျက်စီးသွားတာဖြစ်တယ်။မြို့ကိုနှစ်ခြမ်းခွဲချင်တဲ့ရည်ရွယ်ချက်နဲ့ဖျက်စီးသွားတာလို့ဒေသခံတွေကပြောကြတယ်။ဟိုအရင်ရက်ကလဲကော့ကရိတ်မြို့အဝင်လမ်းတွေကိုဖျက်စီးသွားသေးတယ်။ ဒါကိုကြည့်မယ်ဆိုရင်စစ်တပ်ဟာသူတို့ဆီလာမယ့်လမ်းတွေကိုပါဖျက်စီးပြီးခံစစ်ပြင်နေရပြီ။ဒါမျိုးကိုအရင်ကအင်အားနည်းတဲ့တိုင်းရင်းသားလက်နက်ကိုင်အဖွဲ့တွေဟာစစ်တပ်လာတိုက်မှာကြောက်လို့လုပ်ခဲ့ကြပေမယ့်အခုစစ်တပ်ကိုယ်တိုင်ကဒီလိုပုံစံမျိုးပြန်လုပ်နေရပြီဆိုတော့သူတို့အင်အားနည်းတာပိုမိုပေါ်လွင်လာပြီဖြစ်တယ်။
