လာမယ့်ရက်တွေမှာမြန်မာ့အရေးဆွေးနွေးပွဲတွေပြည်တွင်းရောပြည်ပမှာပါဆက်တိုက်လုပ်ဖို့ရှိတယ်။
ပြည်တွင်းမှာကရင်လက်နက်ကိုင်လေးဖွဲ့ဆိုင်ပြီးရှေ့ဘာဆက်လုပ်မလဲဆွေးနွေးကြမယ်။ထိုင်းအစိုးရကလဲNCAလက်မှတ်ထိုးထားတဲ့တိုင်းရင်းသားလက်နက်ကိုင်အဖွဲ့တွေနဲ့တွေ့ဖို့လေသံပစ်နေတယ်။ပြည်ပမှာတော့မနက်ဖြန်G7ထိပ်သီးအစည်းအဝေးမှာမြန်မာနိုင်ငံအကြောင်းပါတယ်လို့ကြားတယ်။၁၈ရက်နေ့ကျရင်လဲလုံခြုံရေးကောင်စီမှာဆွေးနွေးလိမ့်ဦးမယ်။
အစည်းအဝေးတွေဘယ်လောက်များများမျှော်လင့်စရာတော့သိပ်မရှိဘူး။ကိုယ့်လွတ်လပ်ရေးကိုယ်တိုင်တိုက်ယူမှရမှာပဲ။
မေ ၂၄၊ ၂၀၂၃။ (ဗုဒ္ဓဟူး)
မွန်ပြည်နယ်၊ကျိုက်ထိုမြို့ကရွာပေါင်း၂၅ရွာအသုံးပြုနေတဲ့ရွာချင်းဆက်အကြမ်းဖက်စစ်တပ်ကဖျက်စီးသွားတယ်။ဒီတခေါက်ဖျက်စီးတာငါးခေါက်မြောက်ဖြစ်ပြီးညပိုင်းမှာအင်အား၆၀ခန့်နဲ့လာရောက်ဖျက်စီးသွားတာဖြစ်တယ်။မြို့ကိုနှစ်ခြမ်းခွဲချင်တဲ့ရည်ရွယ်ချက်နဲ့ဖျက်စီးသွားတာလို့ဒေသခံတွေကပြောကြတယ်။ဟိုအရင်ရက်ကလဲကော့ကရိတ်မြို့အဝင်လမ်းတွေကိုဖျက်စီးသွားသေးတယ်။ ဒါကိုကြည့်မယ်ဆိုရင်စစ်တပ်ဟာသူတို့ဆီလာမယ့်လမ်းတွေကိုပါဖျက်စီးပြီးခံစစ်ပြင်နေရပြီ။ဒါမျိုးကိုအရင်ကအင်အားနည်းတဲ့တိုင်းရင်းသားလက်နက်ကိုင်အဖွဲ့တွေဟာစစ်တပ်လာတိုက်မှာကြောက်လို့လုပ်ခဲ့ကြပေမယ့်အခုစစ်တပ်ကိုယ်တိုင်ကဒီလိုပုံစံမျိုးပြန်လုပ်နေရပြီဆိုတော့သူတို့အင်အားနည်းတာပိုမိုပေါ်လွင်လာပြီဖြစ်တယ်။
