မနေ့ကကယားပြည်နယ်ကတိုက်ပွဲတွေမှာခွေးသေဝက်သေသေကုန်ကြတဲ့စစ်သူပုန်တွေရဲ့ပုံတွေလိုင်းပေါ်တက်လာတယ်။ တပ်ထောက်ခံသူအုပ်စုကခုကျမှ ရက်စက်လိုက်ကြတာ၊လုပ်ရက်လိုက်ကြတာ ဆိုပြီးအသံတွေထွက်လာတယ်။အပြစ်မဲ့ပြည်သူ၈၀၀ကျော်ကျဆုံးတုန်းကတော့ဆန္ဒပြတာကိုး..သေမှာပေါ့ လို့မညှာမတာပြောခဲ့တဲ့သူတွေ… ခုတော့သူတို့ငိုရမယ့်အလှည့်ရောက်လာပြီ။ ဝဋ်ဆိုတာဘဝမကူးပဲချက်ချင်းလည်တတ်တယ်ဆိုတာသိရှိသွားကြပြီ။
ဇူလိုင် ၂၁၊ ၂၀၂၄။ (တနင်္ဂနွေ)
တရုတ်ရဲ့ဖိအားပေးမှုကြောင့်ကိုးကန့်တပ်တော်MNDAAကဒီလကုန်ထိအပစ်ရပ်ဦးမယ်လို့ကြေညာလိုက်ပါတယ်။ပြီးခဲ့တဲ့ရက်တွေကလဲတရုတ်မှာညီလာခံရှိလို့ဆိုပြီးလေးရက်ကြာတဖက်သတ်အပစ်ရပ်ပြီးပြီ။အခုလဲထပ်ပြီးအပစ်ရပ်ရဦးမယ်တဲ့။ တရုတ်ဟာ၁၀၂၇စစ်ဆင်ရေးအပိုင်း၂ဆင်နွဲနေတဲ့မြောက်ပိုင်းမဟာမိတ်တပ်တွေကိုနည်းလမ်းမျိုးစုံသုံးပြီး ဖိအားပေးနေပါတယ်။MNDAAအဖွဲ့လားရှိုးကိုစတိုက်တဲ့ဇူလိုင်၃ရက်နေ့ကစပြီးလောက်ကိုင်မြို့ကိုလျပ်စစ်မီးတွေဖြတ်တောက်ခဲ့တယ်။ဒါ့အပြင်MNDAAထိန်းချုပ်ထားတဲ့နယ်စပ်ကုန်သွယ်ရေးဂိတ်တွေကိုလဲတရုတ်ဘက်ကပိတ်ပစ်ခဲ့တယ်။အခုလဲမကြာခဏအပစ်ရပ်ခိုင်းနေပြန်ပြီ။ တရုတ်ဟာတော်လှန်ရေးအဖွဲ့တွေဘက်ရောစစ်ကောင်စီဘက်ကိုပါပြိုင်တူဖိအားပေးပြီးသူလိုချင်တဲ့လမ်းကြောင်းကို ရောက်အောင်ပုံသွင်းနေပါတယ်။စစ်ခေါင်းဆောင်မင်းအောင်လှိုင်ကိုလဲ...