KNU တပ်မဟာ ၅ နယ်မြေကို ဒီညနေ စစ်ကောင်စီ လေယာဉ်နဲ့ ဗုံးကြဲနေ

ကရင်ပြည်နယ်၊ ကရင်အမျိုးသားအစည်းအရုံး KNU တပ်မဟာ ၅ နယ်မြေ မဲပန်ဝနဲ့ မဲဝိုင်ရွာတွေပေါ်ကို မတ်လ ၃၀ ရက် ဒီနေ့ ညနေ ၃ နာရီလောက်မှာ အာဏာသိမ်းစစ်ကောင်စီက လေယာဉ်တွေနဲ့ ဗုံးကြဲ သွားတယ်လို့ မဲဝိုင်ဒေသခံတစ်ယောက်က RFA ကို ပြောပါတယ်။

စစ်ကောင်စီရဲ့ ရိက္ခာလမ်းကြောင်းကို ပြန်ဖွင့်ပေးဖို့နဲ့ အချိန် ၂၄ နာရီပဲပေးမယ်ဆိုတဲ့အပေါ် KNU က လက်မခံဘဲ ငြင်းဆိုလိုတာကြောင့် မနေ့ညကတည်းက တိုက်လေယာဉ်တွေကို နိမ့်နိမ့်လေး ပျံပြနေပြီးနောက် ဒီနေ့မှာတော့ တိုက်လေယာဉ်နှစ်စင်းနဲ့ လာရောက်ပစ်ခတ်သွားတာလို့ ဆိုပါတယ်။

သူတို့ကိုယ်တိုင်လည်း ကြောက်လန့်နေကြရပြီး အခြားဒေသခံရွာသားတွေကတော့ ထွက်ပြေး သွားကြပြီလို့လည်း အမည်မဖော်လိုသူ အဲဒီဒေသခံကပြောပါတယ်။

ပြီးခဲ့တဲ့ မတ်လ ၂၇ ရက်နေ့နဲ့ ၂၈ ရက်နေ့တွေမှာလည်း အာဏာသိမ်းစစ်ကောင်စီက KNU တပ်မဟာ ၅ ထိန်းချုပ်နယ်မြေထဲက ကျေးရွာတွေကို လေယာဉ်နဲ့ ဗုံးကြဲတိုက်ခိုက်ခဲ့တာကြောင့် ကလေးတွေအပါအဝင် အရပ်သားအချို့ သေဆုံးတာ ဒဏ်ရာရတာတွေရှိပြီး တစ်သောင်းလောက် နေရပ်စွန့်ခွာထွက်ပြေးနေရပါတယ်။

ထိခိုက်သေဆုံးမှု ပျက်စီးမှုတွေကတော့ သူတို့အနေနဲ့ အပြင်မထွက်ရဲသေးလို့ ဘာမှမသိရသေးဘူးလို့လည်း ပြောပါတယ်။

Source – RFA (https://www.facebook.com/rfaburmese/posts/10160958709433128?comment_id=1092590491218247&notif_id=1617107272787918&notif_t=public_figure_l0_comment&ref=notif )