မန္တလေးမှာ လူတွေကိုပစ်သတ်သွားတယ်။ ကချင်ပြည်နယ်မှာ လူတွေကိုလိုက်ဖမ်းတယ်။ ခေါ်သွား တယ်။ ဘယ်နေရာကိုခေါ်သွားမှန်းလည်းမသိ၊ အစလိုက်ရှာလို့လည်းမရ။ ရန်ကုန်မဟုတ်တဲ့ ဒေသတွေ မှာ အဲဒီလိုအဖြစ်အပျက်တွေများလာတော့ အားလုံးက စိတ်ပူလာကြတယ်။ အနုပညာရှင်တစ်ချို့ကို လည်း ခြိမ်းခြောက်ဖုန်းဆက်ပြီး CDM လှုံ့ဆော်ရေးကမ်ပိန်းတွေဆက်မလုပ်ဖို့ အာဏာရှင်တွေကတားဆီး နေကြတယ်။ ဥပမာအားဖြင့် ဂျွန်လွင်ရဲ့အသံဖိုင်တစ်ခု ပြန့်နေတယ်။ ဂျွန်လွင်က သူ့တပည့်တွေကို CDM လှုံ့ဆော်ရေးတွေဆက်မလုပ်ဖို့တားဆီးတဲ့သဘောသက်ရောက်နေလို့ အားလုံးကဝေဖန်ကြတယ်။
မနေ့ကလည်း ဘုန်းကြီးတွေက ကားမှန်တွေရိုက်ခွဲ၊ လူတွေကို ပြဿနာရှာတဲ့ ဗီဒီယိုဖိုင်တွေတက်လာ ပြန်တယ်။ စစ်အာဏာလုတွေကတော့ ဘာသာရေးမှိုင်းတိုက်ပြီ။ မြန်မာနိုင်ငံက ဘာသာရေးနဲ့ပတ်သက် လို့ ဆတ်ဆတ်ထိမခံကြတတ်တဲ့အလေ့အထရှိတာမို့ ဘာသာရေးနဲ့ဆူပူမှုဖြစ်အောင်သူတို့လုပ်နေကြ တာ။ ဒါပေမဲ့ အများပြည်သူက အရှောင်အတိမ်းမြန်တယ်။ ပြဿနာအဖြစ်မခံတော့ဘဲရှောင်ထွက်သွား ကြတယ်။ ပြဿနာရှာတဲ့ဘုန်းကြီးတွေက ဘုန်းကြီးအစစ်တွေဟုတ်ပုံမရဘူး။ သူတို့လုပ်ကြံထားတဲ့ဘုန်း ကြီးအတုတွေဖြစ်လိမ့်မယ်။ ဘာသာရေးကိုခုတုံးလုပ်တတ်တဲ့သူတို့ကို ဘုရားမရိုက်ဘူးလားလို့မေးမိ တယ်။ ဘုရားဆီကလည်း ပိုက်ဆံတွေလုတဲ့လူတွေ ဘယ်ကုသိုလ်ကံကြောင့် အခုလောက်အထိအများ ပြည်သူကို ဒုက္ခပေးနိုင်တာပါလဲ။
သူတို့တွေဟာ စစ်အာဏာရှင်တွေဟာ ဘယ်လောက်အတိုင်းအတာအထိကို ယုတ်မာနေကြဦးမှာလဲ။ အခု ဆိုရင် အင်တာနက်ကို ည ၁ နာရီကနေ မနက် ၉ နာရီအထိဖြတ်တောက်ထားတယ်။ ဖေ့စ်ဘုတ်အသုံးပြု ခွင့်ပိတ်ထားတယ်။ သူတို့တွေဟာ အချိန်မရွေးနေရာမရွေး ကိုယ့်အိမ်ထဲကိုဝင်လာပြီး အိမ်ထဲကပစ္စည်း တွေအားလုံးကို စစ်ဆေးခွင့်၊ ကြိုက်သလိုခြယ်လှယ်ခွင့်ရှိတဲ့ ဥပဒေတွေကိုလည်း တစ်ခုပြီးတစ်ခုထုတ်ပြန် ထားတယ်။ အဲဒီထက်ယုတ်မာတာဘာရှိဦးမှာလဲ။
>>>>>
